L Carnascer ladin te la val de sora
L Lachè, l Bufon, i Marascons, le faceres da burt e da bel
Picoi toc de teater spilené da n schiap de atores no de profescion che se impèra na pèrt da dir sù cater o cinch outes via per dut l temp de carnascèr
Grop de la Mèscres da Dèlba e Penìa à inom la sociazion che porta inant la tradizion del Carnascèr Ladin de la val de sora te Fascia, una de la più veia e fona esprescions de cultura populèra de la élpes.
La jent che fèsc pèrt del grop, duc volontadives, i fèsc sia pèrt ativa tel carnascèr, sibie desche mèscresche atores, opura desche famees che deida a injignèr la paladina per spilenèr mascherèda, o a meter insema guants, ciapìe e massarìa per regolèr sù bel delvers la mèscres. En pràtega, se pel dir che bona pèrt de la popolazion de Dèlba e Penìa, frazions de Cianacei te la provinzia de Trent, i se dèsc jù e i ge dedica na pèrt de sie temp al Grop de la Mèscres da Dèlba e Penìa.
L carnascèr ladin de Dèlba e Penìa l’à reijes veiores te la istoria e l vegn conscidrà un di rituèi più veies e più carateristics de la Dolomites e de duta la èlpes.
